الاثنين، 25 مارس 2019

ناصر عطا الله ///////

... *** امي ياجلم جميل *** ...

سهرانة ليل ورا ليل
والطبع فيكى جميل
عمرك ما كليتى
انتى اللى ربيتى
حنية ف عنيكى
والدمع فى المناديل

أمى ياضلاية
حنية فى أسايا
حنيتك ياما ورضاكي ده غاية
ياقوية شدي الحيل

ياضلتي وناسي
ياعيون وحراسي
فى غربتي يااما
الدعوة بتواسي
ودعاكي يشفي عليل

صابرة بحنية
وعيون مندية
ياموجة فى الشرايين
والقسوة حنية
علمتي جيل ورا جيل

الكلمة بحروفي...
تسرقني من خوفى
ياأمي ياحنونة....
اهديكى معزوفي.
والقلب ليكي عليل

ياشمس نوارة....
ياشمعة سهارة....
ياقلبك الدافى...
ياوردة عطارة...
ياحلم كله جميل

حضنك دفا وأمان
ياطيبة الانسان
فى همي محتارة
ياقلب كله حنان
للحب انت دليل

بقلمي الشاعرناصرعطامحمد
بقلميNasser Atta
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)