الاثنين، 11 فبراير 2019

ناصر عطا محمد ///////

... *** انا ميت *** ...
قال .. ميت !!!
وإيه يعني ...؟؟؟
حياة فاضية .. بتوجعني
وحتى الحلم كبرته ...
سرق عمري .. وضيعني
وضاعت .. ضحكتي الحلوة
وكان  لونها بيجمعني
يبس شجر اللمون ...
لأ مات
وطعم المر جوعني
وكلمة شكر ...
خلاص باتت  ماتنفعني
ولو قالوا انا غلطان
وشارب بانجو .. او سكران
ولو عايش  لكن تعبان
مين يقدر .. يرجعني
أنا ميت

انا ميت
ومات الحلم والماضي
خطاوي تفوت .. على الفاضي
وواد هلفوت .. صبح قاضي
حكم والحكم لوعني
وقال ..ميت ...
وسمعني ..
بقيت ميت

أنا ميت ...
عشان القرش ...
جوه الناس .. حياة حلوة
عشان الندل .. متحكم ..
 وكل حروفه فى الغنوة
عشان كل النبات ..
هاجر من الربوة
وفى الصحرا بقي يبيت
وانت ميت

انا ميت ماليش دية
وكفنى كلام أفندية
وزيي كتير ...
عشرة .. تلاقي .. أومية
وماتوا قبلي .. تركوني
أرسم حلم .. لعيوني
وجوه العتمة .. حبسوني
وتاه الحلم مع لوني ...
اتاري الغدر  .. متبيت
عشان حلمي يعيش ميت
أنا ميت

وأنا صاحي
ولسه باداوي فى جراحي
لقيت بابي ومفتاحي
وقلبي لسه .. متصيت
نفس خارج .. كن ميت
عشان صاحي ...
أنا ميت
الشاعرناصرعطامحمد
بقلمي Nasser Atta
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)