حنان سلام ///////

شر وجحد
==========
السجين مظلوم والظالم حر
منين نجيب قاضى يحكم

بالحق
عجز الصبر أمام صبرى ومل
وتعب قلبى ومات من كتر الأحزان
دنيا مابترحم وجاحده علينا
جئنا فيها دون رأى لنا
كان غربال السبوع
 أسي م ال حوالينا
فرقوا الملبس والشربات
 حزن ووجع وهم وجراح
فرقوا الحظ ووقفت ف الصف
طلع الفرح من حظهم
 وكان خيبة الأمل من نصيبى أنا
خسيس خان الأصيل
قالوا شطارة ولعب بالنتر
لاحيلة كانت لنا
ولاعرفنا فى يوم نكون مثلهم
عايشين فى حمى ربنا
 ولاحد فالكون حاجى علينا
سيف الغدر كان صعب وظلم
من أقرب ناس كانوا لنا
العمر فات زى الريح
والآلام زلزلت وهدت كل قوتنا
 كل الخير  ال عملناه فى عمرنا
 قلبوه علينا شر
 وطلع فالآخر الحق علينا
الكل بألف وش ووش
وشوش متلونة بكل لون وغش
نفاق وخداع وبكام
ووقت الجد الكل بان
حقيقه مره ومؤلمه
 مافضل لنا غير وجع وحزن
دورت على طبيب يداوى الجرح
قال مافى علاج ولادوا ياغلبان
الطيب فى زمان الصعب
بيقولوا عليه ضعيف مكسور
ماله ف الدنيا مكان ولامحبوب
اتولدت عود أخضر ونشف
 من كتر جحدهم وشرهم
آه يازمن كتر الاهتمام فيك مصلحة
اتعلم ياإنسان الزمن كله دروس وعبر ..فى بداية الكون إبليس
خرج لوحده من رحمة ربنا
وحيرجع معاه حشود الوان والوان
كانوا له أعوان
 بدنيا مسرح بهلوانات
 الشر فيها بكل الأشكال
قواهم شيطان نفسهم
وفاقوا إبليس الاستاذ
ضرب بيهم المثل
وأنحنى لهم وعمل لهم تعظيم سلام
 يوم ممات ضميرهم
نوروا قناديل على دربهم
وقالوا من بعدنا الطوفان
زيدوا كمان من شركم
لابأيدينا زرعنا فيكم شركم
لكن حصدتنا منكم
الشوك مليون فدان
بنينا من الحزن قصور
وصلت لسابع سما
حقولها بأعلى صوت
صوت الوجع والألم والموت
رب الكون موجود
ولازم الحق فى يوم لنا يعود
لكن بعد فوات الأوان
مسحت من قاموسى كلمة معلش
ووقت السماح إنتهى من الآن
ولاأى أعتذار يمحى فعلكم
شكرا لكم كلكم
 أتعلمت الدرس بكل إمتنان
دنيا الحق فيها ماشى
 والشر فيها ركب وقال أنا السواق
صحيح دا زمن العبر

بقلم / حنان سلام ...