احمد عبد الحق /////_/

مجرد صورة بهتانه
ملامح بس مرسومه
احلام تحلمها في مرايا
مقلوبة ومكسورة
مشاعر رغم احساسها
مشاعر بس مكتومة
حروف خارجة من خوفها
ساعات بشوفها مكسوفة
وساعات بلاقيها مشتاقة
مسموعة ومكتوبة
تفرق كتير
تعيش الحلم متوهم
قبيح كل احلامه
يتذوق ويتجمل
عقيم وكان نفسه
بيحلم بطفله هيكمل
كان نفسي اكون حرفك
اكون جواك اللي في يوم حسك
كان نفسي اكون سندك
اكون الصدق في رسمك
هقول ايه علي الاقدار
مكتوب لي اكون ضدك
مكتوب لي اكون اللي
في يوم من الايام حبك
كمان مكتوب لي اشتاقك
وبنفس الشوق انا رفضك
صورتك صورة بهتانة
مبقاش فيها حاجه منك
احمد عبدالحق